الوصف

Li benda bersiva min nema weku yek bixwaze nameyekê bigihîne û here, ez jî ji cihê xwe nelivîm; êşek ket sînga min a çepê, xwehdanek qerisî ez girtim, henaseya min teng bû, min nema zanîbû ez a gunehbar im yan ew.

Piştî ramanek kûr, min biryar da ez tolê hildim. Çeto kurê cîranê me bû, yekî rû zivtik û bê pergal bû, berê ji min re gotibû “tu ya minî”.. min gotibû “eger mêr li dinê nemînin, ez yekî weke te nakim.” Min li ser dîwêr re gazî Çeto kir, min got:

– Çeto, ma hîn tu ji min hez dikî?