الوصف

Li Mezopotamyayê, axa pîroz û landika şaristaniyên kevnar, di dirêjahiya dîrokê de gelek pêxember, zanyar, rewşenbîr, nivîskar û hunermendên navdar derketine

Di nav wan de gelek kesayetiyên Kurd jî hebûne ku bi zanîn, afirînerî û berhemên xwe, çand û hunera kurdî û cîhanî dewlemend kirine û di pêşveçûna civaka xwe de roleke girîng lîstine

Di nav van kesayetiyên navdar de, Mihemed Elî Şakir, wek hunermend, helbestvan, awazdan, xetnivîs û wênekêşê Kurd, xwedî cihekî taybet e

Ev pirtûk hewl dide ku jiyan, kesayetî, rêwîtiya hunerî û beşek ji berhemên wî bi awayekî belgeyî bide nasîn

Mihemed Elî Şakir yek ji pêşengên nûjenkirina mûzîk û strana kurdî li Rojavayê Kurdistanê ye

Bi şêwaza xwe ya taybet û berhemên xwe yên afirîner, wî di pêşvebirina mûzîka kurdî de roleke berbiçav lîstiye û şopeke mayînde di dîroka huner û çanda kurdî de hiştiye